కర్నూలు, 23 మే (హి.స.)

వేసవిలో గుడ్లు తినడం ఆరోగ్యానికి మంచిదేనా? చాలామంది గుడ్లు తింటే శరీరం వేడెక్కుతుందని భావిస్తారు. అయితే, గుడ్లు తినడం ఆరోగ్యానికి మంచిదా.. కాదా.. అనే విషయాన్ని నిపుణుల అభిప్రాయం ద్వారా తెలుసుకుందాం..

రోజూ గుడ్డు తినడం ఆరోగ్యానికి చాలా మంచిది. దీనిని ప్రకృతి అందించిన మల్టీవిటమిన్ అంటారు. ఇది తక్కువ ధరలో ఎక్కువ పోషకాలను అందించే సంపూర్ణ ఆహారం. ఒక గుడ్డులో దాదాపు 6 గ్రాముల అధిక నాణ్యత గల ప్రొటీన్ ఉంటుంది. గుడ్డు పచ్చసొనలో ఉండే 'కోలిన్' (Choline) మెదడు పనితీరును, జ్ఞాపకశక్తిని మెరుగుపరుస్తుంది. ఇందులో ఉండే లుటీన్, జియాక్సంతిన్ అనే యాంటీఆక్సిడెంట్లు కంటి సమస్యలను తగ్గిస్తాయి.

వేసవిలో కూడా గుడ్లు తినడం మంచిదే. గుడ్లు శరీరానికి అవసరమైన ప్రొటీన్, విటమిన్లు, ఖనిజాలు అందిస్తాయి. కొంతమంది గుడ్లు తింటే శరీరం వేడెక్కుతుందని భావిస్తారు. కానీ వైద్యుల సమాచారం ప్రకారం ఇది పూర్తిగా నిజం కాదు. గుడ్లు శరీర ఉష్ణోగ్రతను పెంచవు, కానీ జీర్ణం కావడానికి కొంత సమయం పడుతుంది కాబట్టి అలా అనిపించవచ్చు.

--

హిందూస్తాన్ సమచార్ / SANDHYA PRASADA PV