తెలంగాణ, ఆదిలాబాద్. 10 జూన్ (హి.స.)

ఆదిలాబాద్ పట్టణంలోని మార్కెట్ ఏరియాలోని శివాజీ చౌక్ వద్ద ఎస్బీఐ బ్యాంకు వారి సహకారంతో ఏర్పాటుచేసిన పోలీస్ సబ్ కంట్రోల్ రూమ్ను జిల్లా ఎస్పీ అఖిల్ మహాజన్.. బ్యాంకు సిబ్బందితో కలిసి ప్రారంభించారు.

ఈ సందర్భంగా జిల్లా ఎస్పీ మాట్లాడుతూ.. గ్రామీణ ప్రాంతాల నుంచి వచ్చే వారితో శివాజీ చౌక్ నిత్యం రద్దీగా ఉంటుందన్నారు. ఈ ప్రాంతంలో ట్రాఫిక్ సమస్యలు తలెత్తకుండా, ఎలాంటి నేరాలు జరగకుండా జాగ్రత్తలు తీసుకుంటున్నామని తెలిపారు. ఈ క్రమంలోనే ముందస్తు చర్యల్లో భాగంగా పోలీసు సిబ్బంది ప్రజలకు అందుబాటులో ఉండడానికి, అవాంఛనీయ సంఘటనలో జరిగిన వెంటనే అత్యవసర సమయంలో పోలీసు సిబ్బంది స్పందించే విధంగా సబ్ కంట్రోల్ రూమ్ ప్రారంభించడం జరిగిందని తెలిపారు.

హిందూస్తాన్ సమచార్ / విడియాల వెంకటేశ్వర్ రావు