తెలంగాణ, భద్రాద్రి కొత్తగూడెం. 20 జూలై (హి.స.)

పేదలకు ఉచిత వైద్య సేవలు అందించడం అభినందనీయమని జిల్లా ఎస్పీ రోహిత్ రాజ్ అన్నారు. భద్రాద్రి కొత్తగూడెం జిల్లా నలబండబోడు గ్రామం లో ఆదివారం ప్రెస్ క్లబ్ ఆధ్వర్యంలో ఏర్పాటు చేసిన ఉచిత మెగా వైద్య శిబిరాన్ని జిల్లా ఎస్పీ రోహిత్ రాజ్ ముఖ్య అతిథిగా హాజరై ప్రారంభించారు. ఈ సందర్భంగా వారు మాట్లాడుతూ.. నిరుపేదలకు ఆరోగ్య సేవలు అందించడం గొప్ప విషయం అన్నారు. ఈ కార్యక్రమాన్ని ముందుండి నడిపించిన ప్రెస్ క్లబ్ సీనియర్ సభ్యులను ఎస్పి అభినందించారు ఆపై గ్రామ ప్రజలను ఉద్దేశించి మాట్లాడుతూ మండలంలోని మారుమూల గ్రామమైన నలబండబోడు గ్రామం గత 10 సంవత్సరాల నుండి పోలీస్ స్టేషన్ లో ఎటువంటి కేసులు లేకుండా ఉత్తమమైన గ్రామంగా ఉందని గ్రామ ప్రజలను అభినందించారు.

గ్రామంలో ప్రతి తల్లిదండ్రులు పిల్లలను మంచిగా చదివించాలని కొంత మేరకు చదువులు చదివించిన ఆ చదువుకు తగ్గ ఉద్యోగాలు మేరకు దగ్గరలో ఉన్న పట్టణాలకు పంపించడం ద్వారా గ్రామంలో ఉన్నటువంటి మిగతా వారంతా చదువుకోవాలని ఆసక్తి పెరిగిద్దని సూచించారు. అటవీ ప్రాంతానికి దగ్గరగా ఉన్న గ్రామం కనుక విష పురుగుల నుండి జాగ్రత్తగా ఉండాలని, వర్షాకాలం మొదలైనందున వైరల్ ఇన్ఫెక్షన్ సోకకుండా ఉండాలంటే ఇంటి పరిసరాలను పరిశుభ్రంగా ఉంచుకోవాలని సూచనలు ఇచ్చారు.

---------------

హిందూస్తాన్ సమచార్ / విడియాల వెంకటేశ్వర్ రావు