చెన్నై, 11 జూన్ (హి.స.)

విద్యా హక్కు చట్టం కింద నిధుల విడుదలను జాతీయ విద్యా విధానం తో అనుసంధానించవద్దని, సమగ్ర శిక్ష పథకం కింద నిధులు విడిగా విడుదలయ్యేలా చూడాలని మద్రాస్ హైకోర్టు కేంద్ర ప్రభుత్వాన్ని ఆదేశించింది. నిధులను విడుదల చేయకపోవడంతో ఈ సంవత్సరం RTE చట్టం కింద ప్రైవేట్ పాఠశాలల అడ్మిషన్లు ప్రారంభం కాలేదనే ప్రజా ప్రయోజన వ్యాజ్యం కింద జరిగిన విచారణ సందర్భంగా ఈ ఉత్తర్వులు జారీ చేసింది. జస్టిస్ జీఆర్ స్వామినాథన్, వి. లక్ష్మిలతో కూడిన డివిజన్ బెంచ్ ఈ పిటిషన్ పై విచారణ చేపట్టింది. 2023–2024 విద్యా సంవత్సరానికి RTE రీయింబర్స్మెంట్ల కోసం తమిళనాడు రూ.188 కోట్లు భరించిందని, కేంద్రం ఇంకా మొత్తాన్ని తిరిగి చెల్లించలేదని పేర్కొంది. ఈ నిధులు సమగ్ర శిక్ష పథకంలో భాగమని కేంద్రం కోర్టుకు తెలిపింది. 5.2,151 కోట్లలో 5.200 కోట్లు RTE రీయింబర్స్మెంట్ల కోసం కేటాయించారు. అయితే, తమిళనాడు NEPని స్వీకరించనందున నిధులు నిలిపివేయబడ్డాయని కేంద్రం తెలిపింది.

---------------

హిందూస్తాన్ సమచార్ / సంపత్ రావు, జర్నలిస్ట్..