హైదరాబాద్, 15 జూన్ (హి.స.)
బీఆర్ఎస్ వర్కింగ్ ప్రెసిడెంట్ కేటీఆర్‌పై అక్రమ కేసులు పెడుతూ ప్రతీకార రాజకీయాలు చేస్తున్నారని బీఎస్పీ నేత ఆర్.ఎస్. ప్రవీణ్ కుమార్ ఆరోపించారు. ఆదివారం ఆయన మీడియాతో మాట్లాడుతూ, కేటీఆర్ ప్రజల కోసం రాజీలేని పోరాటం చేస్తున్నారని, అలాంటి నేతపై కుట్రపూరితంగా కేసులు బనాయిస్తున్నారని విమర్శించారు.
ఆర్.ఎస్. ప్రవీణ్ కుమార్ మాట్లాడుతూ, ఇప్పటివరకు కేటీఆర్‌పై 14 కేసులు పెట్టారని, इनमें నాలుగు కేసులను ఇప్పటికే హైకోర్టు కొట్టివేసిందని తెలిపారు. “ఏసీబీ కార్యాలయం నుంచి తెలంగాణ భవన్‌కు నడిచి వచ్చినందుకు కూడా ఆయనపై కేసు పెట్టారు. ఇదంతా ప్రత్యర్థి పార్టీ చేసే పనులు కాదు. ఇది రాజకీయ ద్వేషానికి నిదర్శనం” అని ఆగ్రహం వ్యక్తం చేశారు.
హైదరాబాద్ నగరాన్ని గ్లోబల్ ప్లాట్‌ఫారంపై నిలబెట్టేందుకు కేటీఆర్ తెచ్చిన ఫార్ములా ఈ రేస్ పైనూ దుష్ప్రచారం జరుగుతోందని ఆయన పేర్కొన్నారు. “ఫార్ములా ఈ రేస్ లో ఏ అవినీతి జరగలేదని స్పష్టం చేస్తున్నాం. కేటీఆర్ వ్యక్తిగత ఖాతాలో ఒక్క రూపాయా వెళ్లలేదని అధికారికంగా తేలింది. నగరానికి పెట్టుబడులు రావాలని, పేరు ప్రఖ్యాతులు పెరగాలని తీసుకొచ్చిన ఈ రేస్‌పై అప్రతిష్ట కలిగించేలా వ్యవహరిస్తున్నారు” అని విమర్శించారు.
---------------
హిందూస్తాన్ సమచార్ / నాగరాజ్ రావు