వినోదం, 18 నవంబర్ (హి.స.)
గేమ్ ఛేంజర్ మూవీ ప్రమోషన్స్ వేళ.. గ్లోబల్ స్టార్ రామ్చరణ్ కడప టూర్ ఫ్యాన్స్లో ఆసక్తి రేపుతోంది. కడప పెద్ద దర్గాను దర్శించుకోబోతున్న చెర్రీ.. ఆ తర్వాత ఉరుసు ఉత్సవాలకు హాజరవుతారు. అమీన్పీర్ దర్గా 80వ నేషనల్ ముసాయిరా గజల్ ఈవెంట్లో ముఖ్యఅతిథిగా పాల్గొనబోతున్నారు రామ్చరణ్. ఇందుకోసం, హైదరాబాద్ నుంచి ప్రత్యేక విమానంలో కడపకు బయల్దేరి వెళ్లనున్నారు. సాయంత్రం ఐదున్నర గంటలకు బేగంపేట్ ఎయిర్పోర్ట్ నుంచి బయల్దేరి.. ఈవ్నింగ్ ఆరున్నరకు కడపలో ల్యాండ్ అవుతారు చరణ్. కడప ఎయిర్పోర్ట్ నుంచి ఈవెంట్ ప్లేస్ వరకు భారీ ర్యాలీగా వెళ్తారు. రామ్చరణ్ వస్తుండటంతో పెద్దఎత్తున ఏర్పాట్లు చేశారు ఈవెంట్ నిర్వాహకులు. చరణ్ ఫ్యాన్స్ భారీగా తరలివచ్చే అవకాశం ఉండటంతో.. అందుకు తగ్గట్టుగా అరేంజ్మెంట్స్ జరుగుతున్నాయ్. గజల్ ఈవెంట్ దగ్గర ఎలాంటి ఇబ్బందుల్లేకుండా జాగ్రత్తలు చేపడుతున్నారు.
---------------
హిందూస్తాన్ సమచార్ / సంపత్ రావు, జర్నలిస్ట్..
