లక్నో ఏప్రిల్ 23 (హిం.స) ఉత్తరప్రదేశ్ లోని హౌస్ వద్ద విషాదం చోటుచేసుకుంది.

లక్నో-ఆగ్రా ఎక్స్ ప్రెస్ వే పై మంగళవారం తెల్లవారుజామున ఘోర రోడ్డు ప్రమాదం జరిగింది. గోరఖ్పూర్ నుంచి ఢిల్లీకి వెళ్తున్న హైస్పీడ్ స్లీపర్ బస్సు డివైడర్ను ఢీకొట్టిన అనంతరం అటువైపు నుంచి వస్తున్న ట్రక్కును బలంగా తాకింది. ఈ ప్రమాదంలో నలుగురు ప్రయాణికులు మృతి చెందగా, బస్సులో ఉన్న మరో 25 మంది ప్రయాణికులు గాయపడ్డారు. ఈ ఘటనలో బస్సు, ట్రక్కు రెండూ దాదాపు పూర్తిగా ధ్వంసమయ్యాయి. ప్రమాదం గురించి సమాచారం అందుకున్న పోలీసు బృందం ఘటనా స్థలానికి చేరుకుని క్షతగాత్రులు, మృతులను ఆస్పత్రికి తరలించారు.

ఈ ప్రమాదం గురించి సమాచారం తెలుసుకున్న యూపీ ముఖ్యమంత్రి యోగి ఆదిత్యనాథ్ మృతుల కుటుంబాలకు సంతాపం తెలిపారు. వెంటనే ఘటనాస్థలికి చేరుకుని సహాయక చర్యలు వేగవంతం చేయాలని ముఖ్యమంత్రి అధికారులను ఆదేశించారు. క్షతగాత్రులకు సరైన చికిత్స అందించాలని ముఖ్యమంత్రి సూచించారు. దీంతోపాటు ప్రమాదం గురించి సమాచారం అందిన వెంటనే డీఎం శుభ్రాంత్ కుమార్ శుక్లా, ఎస్పీ అమిత్ కుమార్ ఆనంద్ ఘటనా స్థలానికి చేరుకున్నారు.

రంజిత్ కుమార్ హిందుస్థాన్ సమాచార్