నల్గొండ, 11 నవంబర్ (హి.స.) ప్రైవేటు ట్రావెల్స్ బస్సులు ప్రయాణికుల పాలిటయమపాశాలవుతున్నాయి. వేమురి కావేరి ట్రావెల్స్ బస్సు ప్రమాద ఘటనలో 19 మంది సజీవ దహనమైన విషయం తెలిసిందే. తాజాగా మరో ప్రైవేటు ట్రావెల్స్ బస్సు మంటల్లో కాలి బూడిదైంది. అయితే ఈ ప్రమాదంలో అదృష్టవశాత్తు ప్రయాణికులు ప్రాణాలతో బయటపడ్డారు.

విహారి ట్రావెల్స్కు చెందిన ప్రైవేటు బస్సు హైదరాబాద్ నుంచి కందుకూరు వెళ్తున్నది. ఈ క్రమంలో నల్లగొండ జిల్లా చిట్యాల మండలం పిట్టంపల్లి వద్ద హైదరాబాద్-విజయవాడ జాతీయ రహదారిపై ఒక్కసారిగా మంటలు అంటుకున్నాయి. బస్సులో పొగలు వ్యాపించడంతో అప్రమత్తమైన సిబ్బంది ప్రయాణికులను కిందికి దింపేశారు. ప్రాణాపాయం తప్పడంతో అంతా ఊపిరిపీల్చుకున్నారు.

---------------

హిందూస్తాన్ సమచార్ / విడియాల వెంకటేశ్వర్ రావు