న్యూఢిల్లీ, 14 నవంబర్ (హి.స.)

బిహార్ అసెంబ్లీ ఎన్నికలతో పాటు,

దేశంలోని వివిధ అసెంబ్లీ నియోజకవర్గాలకు సైతం ఉప ఎన్నికలు జరిగాయి. ఈ ఉప ఎన్నికల ఓట్ల లెక్కింపు పూర్తవుతుండగా.. జమ్మూ కశ్మీర్లోని నాగ్రోటా అసెంబ్లీ ఉప ఎన్నికల్లో బీజేపీ అభ్యర్థి దేవయాని రాణా ఘన విజయం సాధించారు. ఈ ఉప ఎన్నికల్లో బలమైన పోటీ ఉంటుందని అంచనా వేసిన ఈ నియోజకవర్గంలో, అధికార పార్టీ అభ్యర్థి కనీసం డిపాజిట్ కూడా కాపాడుకో లేకపోవడం రాజకీయ వర్గాల్లో పెద్ద సంచలనంగా మారింది. ప్రజలు మరోసారి కుటుంబానికి ఆశీర్వాదంగా భారీ మెజారిటీ ఇవ్వడం, స్థానిక రాజకీయ పరిణామాల్లో ఓ కీలక మలుపు గా భావిస్తున్నారు.

హిందూస్తాన్ సమచార్ / సంపత్ రావు, జర్నలిస్ట్..