అహ్మదాబాద్, 8 డిసెంబర్ (హి.స.) గుజరాత్లోని అహ్మదాబాద్ ఎయిర్ ఇండియా విమాన ప్రమాద కేసులో ప్రధాన న్యాయవాది మైక్ ఆండ్రూస్ (Mike Andrews) కీలక ప్రకటన చేశారు.. తమ బృందంతో బాధితుల కుటుంబాలకు చెందిన సుమారు 130 మంది సభ్యులు సంతకం చేశారని, వారి తరపున తాము దర్యాప్తు కొనసాగిస్తున్నామని తెలిపారు.

ప్రమాదానికి సంబంధించిన సాక్ష్యాలను అర్థం చేసుకోవడానికి తాము నిపుణులతో కలిసి పనిచేసినట్లు మైక్ ఆండ్రూస్ వెల్లడించారు. ప్రమాదం జరగడానికి కొద్దిసేపటి ముందు లైట్లు ఆగి, మళ్లీ వెలిగి, ఆపై ఆకుపచ్చగా మారాయని ప్రాణాలతో బయటపడ్డ వ్యక్తి చెప్పినట్లు ఆయన పేర్కొన్నారు. తమ విశ్లేషణ ప్రకారం, ఇది ప్రాథమిక విద్యుత్ బస్ నుండి ద్వితీయ లేదా అత్యవసర లైట్లకు మారుతున్నట్లు సూచిస్తుందని తెలిపారు. విమానంలో విద్యుత్ వ్యవస్థలో లోపం ఉందని నిపుణులు చెబుతున్నారని ఆయన పేర్కొన్నారు.

అంతేకాకుండా, ఈ విమానాలలో సంభవించిన 'వాటర్ లీక్ల'ను కూడా తాము గుర్తించగలిగామని, ఆ లీక్ లు విద్యుత్ వ్యవస్థపై ఎలాంటి ప్రభావాన్ని చూపాయో దర్యాప్తు చేస్తున్నామని ఆండ్రూస్ చెప్పారు. ఏఏఐబీ (AAIB), ఇతర పరిశోధకులు ఈ వారం వాషింగ్టన్కు వెళ్లి నేషనల్ ట్రాన్స్పోర్టేషన్ సేఫ్టీ బోర్డును కలవనున్నట్లు సమాచారం. వారి పర్యటనకు గల కారణాలు, వారికి అవసరమైన సమాచారంపై తాము ఆసక్తిగా ఉన్నామని విమాన ప్రమాద కేసులో ప్రధాన న్యాయవాది మైక్ ఆండ్రూస్ తెలిపారు.

---------------

హిందూస్తాన్ సమచార్ / సంపత్ రావు, జర్నలిస్ట్..