కర్నూలు, 27 మే (హి.స.)

బీట్‌రూట్‌ జ్యూస్‌.. ఇది ఒక అద్భుతమైన ఆరోగ్య నిధి. బీట్‌రూట్‌లో ఉండే పోషకాలు శరీరానికి అవసరమైన శక్తిని అందిస్తాయి. బీట్‌రూట్‌లో విటమిన్ సి, ఇతర యాంటీఆక్సిడెంట్లు సమృద్ధిగా ఉంటాయి. ఇవి రోగనిరోధక శక్తిని పెంచడానికి సహాయపడతాయి. అంతేకాదు..బీట్‌రూట్‌లోని యాంటీఆక్సిడెంట్లు చర్మాన్ని ఫ్రీ రాడికల్స్ నుండి రక్షించి.. ఆరోగ్యంగా, మెరిసే అందంతో కనిపించేలా చేయడానికి సహాయపడతాయి. అయితే ఉదయం ఖాళీ కడుపుతో బీట్‌రూట్‌ జ్యూస్‌ తాగితే శరీరంలో కలిగే మార్పులేంటో ఇక్కడ తెలుసుకుందాం..

బీట్‌రూట్‌లో నైట్రేట్లు అధికంగా ఉంటాయి. ఇవి రక్తనాళాలను విశాలం చేసి, రక్తపోటును తగ్గించడానికి సహాయపడతాయి. ఇది గుండె జబ్బులను తగ్గించడంలో ముఖ్యమైన పాత్ర పోషిస్తుంది. బీటాసైనిన్ అనే శక్తివంతమైన యాంటీఆక్సిడెంట్ ఉంటుంది. ఇది ఫ్రీ రాడికల్స్‌తో పోరాడి, క్యాన్సర్ కణాల పెరుగుదలను తొలగిస్తుంది.

బీట్‌రూట్‌లో ఉండే విటమిన్లు, ఖనిజాలు చర్మం ఆరోగ్యాన్ని మెరుగుపరుస్తాయి. ఇది చర్మాన్ని మృదువుగా, మెరిసిపోయేలా చేస్తుంది. ఇందులో ఐరన్ అధికంగా ఉంటుంది. ఇది రక్తహీనతను నివారించడంలో సహాయపడుతుంది. బీట్‌రూట్‌లో ఉండే పోషకాలు రక్తంలో చక్కెర స్థాయిలను నియంత్రించడంలో సహాయపడతాయి.

---------------

హిందూస్తాన్ సమచార్ / సంధ్య ప్రసాద పి.వి