తెలంగాణ, నల్గొండ. 21 సెప్టెంబర్ (హి.స.)

నల్లగొండ జిల్లాలోని నాగార్జున సాగర్ ప్రాజెక్టుకు మళ్లీ వరద పోటెత్తింది. దీంతో ప్రాజెక్టు నిండు కుండలా మారింది. ఈ క్రమంలో సాగర్ 26 గేట్లు ఎత్తి దిగువకు విడుదల చేస్తున్నారు. దీంతో కృష్ణమ్మ ఆంధ్రా వైపు పరుగులు పెడుతోంది.

సాగర్ జలాశయం ఇన్ఫ్రా, ఔట్లో 2,58,272 క్యూసెక్కులుగా ఉంది. సాగర్ ప్రాజెక్టు పూర్తిస్థాయి నీటిమట్టం 590 అడుగులు కాగా, ప్రస్తుత నీటిమట్టం 587.40 అడుగులుగా ఉంది. సాగర్ పూర్తిస్థాయి నీటినిల్వ సామర్థ్యం 312.04 టీఎంసీలు, ప్రస్తుత నీటి నిల్వ 305.74 టీఎంసీలుగా ఉంది. కాగా గేట్లు ఎత్తి వేయడంతో సాగర్ ప్రాజెక్ట్ పర్యాటక శోభను సంతరించుకుంది.

హిందూస్తాన్ సమచార్ / విడియాల వెంకటేశ్వర్ రావు