హైదరాబాద్, 13 జనవరి (హి.స.)

రెబల్ స్టార్ ప్రభాస్ నటించిన లేటెస్ట్

మూవీ ది రాజా సాబ్. మారుతి దర్శకత్వంలో వచ్చిన ఈ సినిమా కామెడీ, హారర్ నేపథ్యంలో తెరకెక్కింది. సంక్రాంతి కానుకగా జనవరి 9వ తేదీన ది రాజా సాబ్ సినిమా రిలీజ్ అయింది. ఒకరోజు ముందుగానే ప్రీమియర్లు కూడా పడిపోయాయి. అయితే ఈ సినిమాకు మిక్స్డ్ టాక్ వచ్చినప్పటికీ, కలెక్షన్స్ మాత్రం ఎక్కడా తగ్గడం లేదు. నాలుగు రోజుల్లోనే ఈ సినిమా 200 కోట్లు దాటేసింది. ఇప్పటి వరకు ఈ సినిమా రూ.201 కోట్లు వసూలు చేసినట్టు చిత్ర బృందం అధికారిక ప్రకటన చేసింది. ఈ మేరకు ప్రభాస్ పోస్టర్ కూడా వదిలింది. ఈ సినిమాలో కొన్ని సీన్స్ జోడించడంతో థియేటర్లు హౌస్ ఫుల్ అవుతున్నాయట.

---------------

హిందూస్తాన్ సమచార్ / బచ్చు రంజిత్ రావు