హైదరాబాద్, 09 జనవరి (హి.స.) ప్రతిష్టాత్మక యాదాద్రి థర్మల్ పవర్ ప్లాంట్ మరో చారిత్రక మైలురాయిని అధిగమించింది. సూపర్ క్రిటికల్ టెక్నాలజీతో నిర్మించిన స్టేజ్-2లోని నాలుగో యూనిట్ (800 మెగావాట్లు) గురువారం వాణిజ్య ఉత్పత్తి (సీఓడీ)ని విజయవంతంగా పూర్తి చేసుకుంది. 72 గంటల నిరంతర పరీక్షా కాలంలో యూనిట్ సగటున 816 మెగావాట్లకు పైగా ఉత్పత్తి చేస్తూ గరిష్ఠంగా 825 మెగావాట్ల లోడ్ను మోసింది. ఈ నాలుగో యూనిట్ వాణిజ్య ఉత్పత్తిలోకి రావడంతో యాదాద్రి థర్మల్ పవర్ ప్లాంట్ నుంచి అందుబాటులో ఉన్న మొత్తం విద్యుత్ ఉత్పత్తి 3,200 మెగావాట్లకు చేరింది.

హిందూస్తాన్ సమచార్ / సంపత్ రావు, జర్నలిస్ట్..