న్యూఢిల్లీ, 10 అక్టోబర్ (హి.స.)

ఫ్లైదుబాయ్ విమానంలో చోటుచేసుకున్న ఉదంతంపై జాతీయ దర్యాప్తు సంస్థ (NIA) కేసు నమోదు చేసింది. కాక్పిట్లోనే ఒమన్కు చెందిన కో-పైలట్ (ఫస్ట్ ఆఫీసర్), భారతీయ కెప్టెన్ స్మిత్ మచ్చర్పై కత్తితో దాడి చేసి, విమానాన్ని హైజాక్ చేయడానికి లేదా కూల్చివేసేందుకు యత్నించాడనే తీవ్ర ఆరోపణలపై ఎఫ్ఎఆర్ దాఖలైంది.

కేంద్ర ప్రభుత్వ ఆదేశాల మేరకు విద్రోహ నిరోధక చట్టం (UAPA), యాంటీ-హైజాకింగ్ యాక్ట్-2016లోని తీవ్రమైన సెక్షన్ల కింద ఎన్ఐఏ దర్యాప్తు ప్రారంభించింది.

సెప్టెంబరు 30న 174 మంది ప్రయాణికులు, ఆరుగురు సిబ్బందితో దుబాయ్ నుంచి బయలుదేరిన ఫ్లైదుబాయ్ FZ1073 విమానంలో ఈ ఘటన జరిగింది.

విమానం గాల్లో ఉండగా ఒమానీ ఫస్ట్ ఆఫీసర్ హఠాత్తుగా కెప్టెన్ స్మిత్ మచ్ఛర్పై కత్తితో దాడికి పాల్పడ్డాడు. ఈ దాడిలో కెప్టెన్ తల, చేతులకు తీవ్ర గాయాలయ్యాయి.

హిందూస్తాన్ సమచార్ / విడియాల వెంకటేశ్వర్ రావు