అమరావతి , 11 అక్టోబర్ (హి.స.)విజయవాడలో దసరా ఉత్సవాల సమయంలో భక్తులకు అవసరమైన మౌలిక సదుపాయాలను కల్పించేందుకు నగరపాలక సంస్థ చర్యలు చేపట్టింది.

ముఖ్యంగా కృష్ణా నది తీరంలోని ఘాట్లు, ఆలయానికి వెళ్లే మార్గాలు, భక్తులు బస చేసే ప్రాంతాల్లో పారిశుధ్యం, నీటి సరఫరా, రవాణా నిర్వహణపై ప్రత్యేక దృష్టి పెట్టినట్లు అధికారులు తెలిపారు.

దసరా ఉత్సవాల సమయంలో విజయవాడకు రాష్ట్రంలోని వివిధ జిల్లాల నుంచి మాత్రమే కాకుండా ఇతర రాష్ట్రాల నుంచి కూడా భక్తులు వస్తుంటారు. ఈ నేపథ్యంలో నగరంలో సాధారణ రోజులతో పోలిస్తే రవాణా ఒత్తిడి పెరిగే అవకాశం ఉంటుంది. ప్రధాన రహదారులపై వాహనాల రద్దీని నియంత్రించడం, పార్కింగ్ స్థలాలను సక్రమంగా వినియోగించడం, పాదచారులకు సురక్షిత మార్గాలు కల్పించారు.

భక్తులు ఎక్కువగా చేరే ప్రదేశాల్లో చెత్త పేరుకుపోకుండా నిరంతర పారిశుధ్య చర్యలు చేపట్టారు. తాత్కాలిక మరుగుదొడ్లు, తాగునీటి కేంద్రాలు, వైద్య శిబిరాలు అందుబాటులో ఉంచారు. ముఖ్యంగా వృద్ధులు, చిన్నపిల్లలతో వచ్చే కుటుంబాలు, దీర్ఘకాలిక ఆరోగ్య సమస్యలున్న భక్తులకు అత్యవసర సహాయం అందించేందుకు సిబ్బంది సిద్ధంగా ఉన్నారు.

---------------

హిందూస్తాన్ సమచార్ / పుట్టా సుమన్