హైదరాబాద్ , 17 అక్టోబర్ (హి.స.)హైదరాబాద్లోని శంషాబాద్ రాజీవ్ గాంధీ అంతర్జాతీయ విమానాశ్రయంలో బాంబు బెదిరింపు కలకలం రేపింది. విమానాశ్రయంలో ఉన్న ఓ విమానానికి బాంబు బెదిరింపు రావడంతో అధికారులు అప్రమత్తమయ్యారు. విమానానికి ముప్పు ఉందని సమాచారం అందిన వెంటనే భద్రతా విభాగాలు అప్రమత్తమై, నిర్దేశిత భద్రతా విధానాల ప్రకారం చర్యలు ప్రారంభించాయి. విమానంలో అనుమానాస్పద వస్తువులు ఉన్నాయా? ఏదైనా పేలుడు పదార్థాన్ని అమర్చారా? అనే కోణాల్లో తనిఖీలు నిర్వహిస్తున్నట్లు ప్రాథమిక సమాచారం వెల్లడిస్తోంది. అయితే, బాంబు బెదిరింపు వచ్చిందనే కారణంతోనే విమానంలో నిజంగా పేలుడు పదార్థాలు ఉన్నాయని నిర్ధారించలేం. తనిఖీలు పూర్తయి అధికారులు అధికారికంగా వెల్లడించే వరకు ఈ విషయంపై స్పష్టత కోసం వేచి చూడాల్సి ఉంటుంది.

---------------

హిందూస్తాన్ సమచార్ / పుట్టా సుమన్