హైదరాబాద్, 02 అక్టోబర్ (హి.స.)
ఆసియా క్రీడలు 2026లో భారత క్రీడాకారుల పతకాల వేట అప్రతిహతంగా కొనసాగుతోంది. రింగ్, మ్యాట్పై భారత యోధులు అద్భుత ప్రదర్శనతో విశ్వవిజేతలుగా నిలుస్తున్నారు.
పురుషుల 80 కేజీల బాక్సింగ్ ఫైనల్ పోరులో భారత బాక్సర్ అంకుశ్ పంఘల్ అద్భుత ప్రతిభను కనబరిచాడు. దక్షిణ కొరియా బాక్సర్పై 4-0 తేడాతో ఘనవిజయం సాధించి భారత్కు మరో స్వర్ణ పతకాన్ని అందించాడు.
తొలి రౌండ్ నుంచే పూర్తి ఆధిపత్యం చెలాయించిన అంకుశ్, ప్రత్యర్థికి ఏమాత్రం అవకాశం ఇవ్వకుండా రింగ్లో పైచేయి సాధించి విజేతగా నిలిచాడు.మరోవైపు రెజ్లింగ్ (కుస్తీ) విభాగంలోనూ భారత్కు స్వర్ణ యోగం పట్టింది. పురుషుల ఫ్రీస్టైల్ 65 కేజీల విభాగంలో భారత రెజ్లర్ సుజీత్ కల్కల్ అద్భుత పోరాటపటిమతో స్వర్ణ పతకాన్ని కైవసం చేసుకున్నాడు. ప్రారంభంలో కొంత వెనుకంజలో ఉన్నప్పటికీ, అద్భుతమైన కంబ్యాక్తో పుంజుకుని పసిడి పతకాన్ని తన ఖాతాలో వేసుకున్నాడు.
అంతకుముందు మహిళల బాక్సింగ్ 65 కేజీల విభాగంలో పర్వీన్ హుడా (3-2తో చైనీస్ తైపీ బాక్సర్పై), 75 కేజీల విభాగంలో లవ్లీనా బొర్గోహైన్ భారత్కు స్వర్ణాలు అందించారు. ఒకే ఆసియా క్రీడల ఎడిషన్లో ఇద్దరు మహిళా బాక్సర్లు స్వర్ణాలు సాధించడం ఆసియా క్రీడల చరిత్రలోనే ఇది తొలిసారి. హరియాణాలోని రుర్కికి చెందిన పర్వీన్ హుడా, మేరీకోమ్ మరియు లవ్లీనా తర్వాత ఆసియా క్రీడల్లో పసిడి గెలిచిన మూడో భారత మహిళా బాక్సర్గా నిలిచింది. ఈ ఒక్కరోజే భారత రెజ్లర్లు నాలుగు గోల్డ్ మెడల్స్ సాధించడం విశేషం.
---------------
హిందూస్తాన్ సమచార్ / సంపత్ రావు, జర్నలిస్ట్..
