అమరావతి , 02 అక్టోబర్ (హి.స.)ఆర్థిక పరిమితులు ఉన్నప్పటికీ రాష్ట్ర పునర్నిర్మాణం, సంక్షేమం, సామాజిక భద్రత, అభివృద్ధి కార్యక్రమాలను కొనసాగిస్తున్నామని ముఖ్యమంత్రి చంద్రబాబు నాయుడు తెలిపారు. రేపల్లెలో నిర్వహించిన ఎన్టీఆర్ భరోసా పింఛన్ల పంపిణీ కార్యక్రమంలో ఆయన మాట్లాడుతూ పేదల సంక్షేమానికి ప్రభుత్వం ప్రాధాన్యం ఇస్తోందని చెప్పారు.

ప్రతి నెల మొదటి తేదీన పింఛన్ల పంపిణీ కార్యక్రమంలో పాల్గొంటున్నామని ముఖ్యమంత్రి తెలిపారు. ప్రభుత్వ అధికారులు, ప్రజాప్రతినిధులు కూడా ఈ కార్యక్రమాన్ని పేదలకు సేవ చేసే రోజుగా చూడాలని సూచించారు. సంక్షేమ పథకాల ద్వారా పేద కుటుంబాలకు ఆర్థిక సహాయం అందించడంతో పాటు దీర్ఘకాలికంగా ఆదాయ అవకాశాలను పెంచే అభివృద్ధి కార్యక్రమాలను కూడా కొనసాగించాల్సిన అవసరం ఉందని అన్నారు. విశాఖపట్నం, విజయవాడ, మంగళగిరి తదితర ప్రాంతాల్లో పేద కుటుంబాలకు ఇళ్ల స్థలాల పట్టాలు అందించడం ద్వారా దీర్ఘకాలంగా పెండింగ్లో ఉన్న సమస్యలను పరిష్కరించామని ఆయన తెలిపారు.

రాష్ట్ర అభివృద్ధిలో రాబోయే మూడు సంవత్సరాల్లో రూ.35,000 కోట్ల విలువైన 36 ప్రాజెక్టులను పూర్తి చేయాలని ప్రభుత్వం లక్ష్యంగా పెట్టుకున్నట్లు ముఖ్యమంత్రి వెల్లడించారు. అదే సమయంలో పర్యావరణ పరిరక్షణను కూడా అభివృద్ధి ప్రణాళికల్లో భాగం చేయాలని ఆయన పేర్కొన్నారు.

రాయలసీమను గ్లోబల్ హార్టికల్చర్ హబ్గా అభివృద్ధి చేయడానికి రూ.1 లక్ష కోట్ల పెట్టుబడి ప్రణాళికను ప్రభుత్వం రూపొందించినట్లు కూడా ముఖ్యమంత్రి వివరించారు.

---------------

హిందూస్తాన్ సమచార్ / పుట్టా సుమన్