న్యూఢిల్లీ , 29 అక్టోబర్ (హి.స.)

భారత అంతరిక్ష పరిశోధన సంస్థ (ఇస్రో) మరో ప్రతిష్ఠాత్మక ప్రయోగానికి సిద్ధమైంది. దేశీయ సాంకేతిక సామర్థ్యాన్ని మరింత బలోపేతం చేసే లక్ష్యంతో జీఎస్ఎల్వీ-ఎఫ్18 రాకెట్ను రేపు రాత్రి 11.51 గంటలకు అంతరిక్షంలోకి పంపనుంది. ఈ ప్రయోగం ఆంధ్రప్రదేశ్లోని శ్రీహరికోట సతీశ్ ధవన్ అంతరిక్ష కేంద్రంలోని రెండో ప్రయోగ వేదిక నుంచి జరగనుంది.

ఈ మిషన్ ద్వారా భారత అంతరిక్ష రంగంలో మరో కీలక మైలురాయి నమోదు కావొచ్చని శాస్త్రవేత్తలు భావిస్తున్నారు. ప్రయోగానికి సంబంధించిన అన్ని ఏర్పాట్లు ఇప్పటికే పూర్తయ్యాయని, రాకెట్ వ్యవస్థలను అధికారులు తుది దశలో పరిశీలిస్తున్నట్లు సమాచారం. కౌంట్డౌన్ ప్రక్రియ కూడా ప్రణాళిక ప్రకారమే కొనసాగుతోంది.

జీఎస్ఎల్వీ శ్రేణి రాకెట్లు భారీ ఉపగ్రహాలను కక్ష్యలోకి ప్రవేశపెట్టడంలో కీలక పాత్ర పోషిస్తున్నాయి. స్వదేశీ క్రయోజెనిక్ సాంకేతికతను ఉపయోగించే ఈ రాకెట్లు భారత అంతరిక్ష సామర్థ్యానికి ప్రతీకగా నిలుస్తున్నాయి. ఈ ప్రయోగం విజయవంతమైతే భవిష్యత్ ఉపగ్రహ ప్రయోగాలకు మరింత బలం చేకూరనుంది.

ఇటీవలి కాలంలో వరుస విజయాలతో ప్రపంచ అంతరిక్ష రంగంలో ఇస్రో తన ప్రత్యేక గుర్తింపును మరింత బలపరుచుకుంటోంది. ఈ ప్రయోగం కూడా అదే విజయపరంపరను కొనసాగిస్తుందనే ఆశాభావం శాస్త్రవేత్తలు వ్యక్తం చేస్తున్నారు.

---------------

హిందూస్తాన్ సమచార్ / పుట్టా సుమన్