న్యూఢిల్లీ, 05 అక్టోబర్ (హి.స.)

ఇండిగో ఎయిర్‌లైన్స్ అక్టోబర్ 6 నుండి తన దేశీయ మరియు అంతర్జాతీయ విమాన సర్వీసులపై ఇంధన సర్‌ఛార్జ్ పెంచుతున్నట్లు ప్రకటించింది. నిరంతరం పెరుగుతున్న విమాన ఇంధన ధరల భారాన్ని తగ్గించుకోవడానికి ఈ నిర్ణయం తీసుకున్నట్లు సంస్థ తెలిపింది. ఈ నిర్ణయం వల్ల దేశీయ విమాన ప్రయాణ దూరాన్ని బట్టి టికెట్ ధరపై రూ. 100 నుండి రూ. 350 వరకు సర్‌ఛార్జ్ పెరుగుతుంది. గత నెలతో పోలిస్తే విమాన ఇంధన ధరలు 14 శాతానికి పైగా పెరిగాయని, గత దశాబ్ద కాలంలోనే ఇవి అత్యధిక స్థాయికి చేరుకున్నాయని ఇండిగో పేర్కొంది. విమాన నిర్వహణ వ్యయంలో ఇంధనానిదే ప్రధాన వాటా కావడంతో ఈ సర్‌ఛార్జ్ పెంపు వల్ల రాబోయే రోజుల్లో విమాన ప్రయాణ టికెట్ల ధరలు మరింత ప్రియం కానున్నాయి.

---------------

హిందూస్తాన్ సమచార్ / Santhosha Laxmi