హైదరాబాద్, 07 అక్టోబర్ (హి.స.)

దేశంలో పరిపాలనా సారథిగా ప్రధాని నరేంద్ర మోదీ నిరంతరం 25 సంవత్సరాలు పూర్తి చేసుకున్నారనే చారిత్రక సందర్భాన్ని పురస్కరించుకుని కేంద్ర కేబినెట్ ప్రత్యేకంగా అభినందించింది. గుజరాత్ ముఖ్యమంత్రిగా ప్రారంభమై, ఆ తర్వాత దేశ ప్రధానమంత్రిగా కొనసాగుతూ ఆయన పూర్తి చేసిన ఈ రెండున్నర దశాబ్దాల సుదీర్ఘ ప్రజాసేవను ప్రశంసిస్తూ కేంద్ర మంత్రివర్గం ఒక తీర్మానాన్ని ఆమోదించింది.

అక్టోబర్ 7, 2001 నుండి అక్టోబర్ 7, 2026 నాటికి ప్రధాని మోదీ ప్రభుత్వ అధినేతగా (ముఖ్యమంత్రిగా మరియు ప్రధానిగా) నిరంతరంగా 25 సంవత్సరాల కాలాన్ని పూర్తి చేసుకున్నారు. డెమొక్రాటిక్ దేశాల్లో ఇలా ఒకే వ్యక్తి నిరంతరం ప్రజల మద్దతుతో ఇన్ని సంవత్సరాలు అధికారంలో కొనసాగడం అరుదైన ఘనత అని కేబినెట్ పేర్కొంది. ఈ సందర్భంగా ప్రధాని మోదీ నాయకత్వాన్ని కొనియాడుతూ కేంద్ర మంత్రివర్గం తమ గౌరవాన్ని చాటుకుంది.

గుజరాత్ సీఎంగా ఉన్న కాలంలో 'స్వాగత్' వంటి వినూత్న ప్రజా ఫిర్యాదుల పరిష్కార వేదికల స్పూర్తిని జాతీయ స్థాయికి తీసుకెళ్లారని, దేశ భద్రత విషయంలో కఠిన నిర్ణయాలు, ఆర్టికల్ 370 రద్దు, మౌలిక వసతుల అభివృద్ధి, అలాగే డిజిటల్ ఇండియా వంటి విప్లవాత్మక మార్పులతో దేశాన్ని ప్రగతి పథంలో నడిపించారని మంత్రివర్గం తమ తీర్మానంలో ప్రశంసించింది.

---------------

హిందూస్తాన్ సమచార్ / Santhosha Laxmi