హైదరాబాద్, 07 అక్టోబర్ (హి.స.)

ప్రభుత్వ అధినేతగా నిరంతరంగా 25 సంవత్సరాల సుదీర్ఘ ప్రజాసేవను పూర్తి చేసుకున్న చారిత్రక సందర్భాన్ని పురస్కరించుకుని ప్రధానమంత్రి నరేంద్ర మోదీ ప్రతిష్టాత్మకంగా నిర్వహించిన 'విక్షిత్ భారత్ సంకల్ప్ సభ'లో సగర్వంగా పాల్గొన్నారు. దేశాన్ని అభివృద్ధి పథంలో ముందుకు నడిపించడంలో పౌరులందరి భాగస్వామ్యాన్ని మరింత పెంపొందించే లక్ష్యంతో ఈ సభను ఏర్పాటు చేశారు.

గుజరాత్ ముఖ్యమంత్రిగా 2001 అక్టోబర్ 7న బాధ్యతలు చేపట్టిన నాటి నుంచి, దేశ ప్రధానిగా నేటి వరకు ఎలాంటి విరామం లేకుండా ప్రజల కోసం పనిచేస్తున్నానని ప్రధాని మోదీ ఈ సందర్భంగా గుర్తుచేసుకున్నారు. రెండున్నర దశాబ్దాల పాటు తనకు అండగా నిలిచిన దేశ ప్రజలందరికీ ఆయన హృదయపూర్వక కృతజ్ఞతలు తెలిపారు.

దేశాన్ని 2047 నాటికి అభివృద్ధి చెందిన భారత్‌గా (విక్షిత్ భారత్) తీర్చిదిద్దడమే తన జీవిత పరమార్థమని ప్రధాని మోదీ పునరుద్ఘాటించారు. ఈ సంకల్ప సాధనలో దేశంలోని యువత, మహిళలు, రైతులు మరియు పేద ప్రజలే ప్రధాన బలమని ఆయన పేర్కొన్నారు. సంక్షేమ పథకాలను అర్హులైన ప్రతి ఒక్కరికీ చేరవేయడంలో ప్రభుత్వ యంత్రాంగం నిరంతరం శ్రమిస్తోందని తెలిపారు. ఈ సభకు దేశం నలుమూలల నుంచి వివిధ రంగాల ప్రముఖులు, కార్యకర్తలు పెద్ద సంఖ్యలో హాజరై ప్రధాని మోదీకి ఘనంగా అభినందనలు తెలిపారు.

---------------

హిందూస్తాన్ సమచార్ / Santhosha Laxmi