నెల్లూరు, 09 అక్టోబర్ (హి.స.)నెల్లూరు జిల్లా అనంతసాగరం మండలం యాకర్లపాడు సమీపంలో ప్రమాదం జరిగింది. టైర్ పేలడంతో ఒక కారు ట్రాక్టర్ను ఢీకొట్టగా, ఇద్దరు మరణించారు. తిరుపతి నుంచి శ్రీశైలానికి వెళ్తున్న ఆ కారులో మొత్తం ఆరుగురు ప్రయాణిస్తుండగా, వారిలో ఇద్దరు ప్రాణాలు కోల్పోయారు.

ఈ ప్రమాదంలో కారులో ప్రయాణిస్తున్న ఇద్దరు వ్యక్తులు అక్కడికక్కడే మృతి చెందగా.. మరో నలుగురు తీవ్రంగా గాయపడ్డారు. తిరుపతి నుంచి శ్రీశైలానికి వెళ్తుండగా ఈ దుర్ఘటన జరిగినట్లు సమాచారం. ప్రయాణం సాఫీగా సాగుతున్న సమయంలో ఒక్కసారిగా కారు టైరు పగిలిపోవడంతో డ్రైవర్ వాహనంపై నియంత్రణ కోల్పోయినట్లు తెలుస్తోంది. దీంతో కారు అదుపుతప్పి ట్రాక్టర్ను ఢీకొట్టడంతో ప్రమాద తీవ్రత ఎక్కువగా ఉన్నట్లు సమాచారం.

ప్రమాదాన్ని గమనించిన స్థానికులు వెంటనే సహాయక చర్యలు చేపట్టారు. కారులో చిక్కుకున్న క్షతగాత్రులను బయటకు తీసి చికిత్స నిమిత్తం ఆసుపత్రికి తరలించేందుకు సహకరించారు. తీవ్రంగా గాయపడిన నలుగురికి వైద్య చికిత్స అందిస్తున్నారు . ఈ ఘటనతో ప్రమాద స్థలంలో విషాదకర వాతావరణం నెలకొంది.

సమాచారం అందుకున్న స్థానిక పోలీసులు సంఘటనా స్థలానికి చేరుకుని సహాయక చర్యలను పర్యవేక్షించారు. ప్రమాదానికి గురైన వాహనాలను రోడ్డుపై నుంచి పక్కకు తొలగించి ట్రాఫిక్ను క్రమబద్ధీకరించారు. మృతదేహాలను పోస్టుమార్టం నిమిత్తం ఏరియా ఆసుపత్రికి తరలించారు. వాహనం అతివేగం, టైర్ల కండిషన్ లేదా ఇతర సాంకేతిక లోపాలు ఏమైనా ఉన్నాయా అనే కోణంలో పోలీసులు కేసు నమోదు చేసుకుని దర్యాప్తు ప్రారంభించారు.

---------------

హిందూస్తాన్ సమచార్ / SANDHYA PRASADA PV