హనుమాన్ జంక్షన్, 15 మే (హి.స.)

ఎన్టీఆర్ కృష్ణా జిల్లా హనుమాన్ జంక్షన్ వద్ద చెన్నై - కోల్కతా జాతీయ రహదారిపై లారీని ఓ ఆర్టీసీ బస్సు ఢీకొట్టింది. కాకినాడ డిపోకు చెందిన ఆర్టీసీ బస్సు.. విజయవాడ నుంచి కాకినాడకు వెళ్తుండగా.. హనుమాన్ జంక్షన్ వద్ద లారీని వెనుక నుంచి ఢీకొట్టింది. ఈ ప్రమాదంలో బస్సు ముందు భాగంగా పూర్తిగా ధ్వంసం కాగా.. డ్రైవర్ తీవ్రంగా గాయపడ్డారు. ప్రమాద సమయంలో బస్సులో పదుల సంఖ్యలో ప్రయాణికులు ఉన్నట్లు సమాచారం. గమనించిన స్థానికులు క్షతగాత్రుడ్ని స్థానిక ఆసుపత్రికి తరలించారు.

---------------

హిందూస్తాన్ సమచార్ / నిత్తల రాజీవ