విశాఖపట్నం, 26 జూన్ (హి.స.)

విశాఖపట్నం రైల్వేస్టేషన్ సమీపాన రక్షణగిరిపై 32 అడుగుల ఎత్తయిన ఏసుక్రీస్తు విగ్రహం ఏర్పాటు చేశారు. ఈ కొండపై ఏటా క్రిస్మస్ రోజున పెద్ద ఎత్తున ఉత్సవాలు నిర్వహిస్తారు. ఇక్కడ వందేళ్లు పైబడిన సెయింట్ పీటర్స్ చర్చి ఉంది. ఈ కొండపై నుంచి చూస్తే విశాఖలో అనేక ప్రాంతాలు కనిపిస్తాయి. ఆ కరుణామయుడు ఈ నగరాన్ని చల్లగా చూడాలని కోరుతూ ఆయన విగ్రహాన్ని ఇక్కడ ఏర్పాటు చేసినట్టు స్థానిక మాజీ కార్పొరేటర్ తెలిపారు. దీని నిర్మాణం పూర్తికావడానికి మరో రెండు నెలలు పడుతుందని, ఆ తర్వాత ఈ విగ్రహాన్ని ప్రారంభిస్తామని తెలిపారు.

---------------

హిందూస్తాన్ సమచార్ / నిత్తల రాజీవ