న్యూఢిల్లీ: 31 జూలై (హి.స.) ఉద్యోగాల పేరుతో లంచాలు వసూలు చేశారనే ఆరోపణలపై నమోదైన మనీలాండరింగ్ కేసులో సుమారు ఏడాది కాలంగా జైలు శిక్ష అనుభవిస్తున్న తమిళనాడు మాజీ మంత్రి వి. సెంథిల్ బాలాజీకి సుప్రీంకోర్టులో భారీ ఉపశమనం లభించింది. ఈ రోజు ఉదయం సుప్రీంకోర్టు ఆయనకు షరతులతో కూడిన బెయిల్ మంజూరు చేసింది. గతంలో సుదీర్ఘ కాలంగా ఆయన దాఖలు చేసుకున్న బెయిల్ పిటిషన్లను దిగువ కోర్టులతో పాటు మద్రాస్ హైకోర్టు తిరస్కరించగా, చివరకు సర్వోన్నత న్యాయస్థానం బెయిల్ ఇస్తూ తీర్పునిచ్చింది.సెంథిల్ బాలాజీని 2023 జూన్‌లో ఎన్‌ఫోర్స్‌మెంట్ డైరెక్టరేట్ (ED) అధికారులు అరెస్ట్ చేసిన విషయం తెలిసిందే. సుదీర్ఘ కాలంగా విచారణ పూర్తి కాకపోవడం, ఆయన అనారోగ్య కారణాలను పరిగణనలోకి తీసుకున్న ధర్మాసనం ఈ బెయిల్ మంజూరు చేసింది. అయితే, సాక్ష్యాలను తారుమారు చేయకూడదని, విచారణకు పూర్తిగా సహకరించాలని కోర్టు గట్టిగా షరతులు విధించింది. సెంథిల్ బాలాజీ విడుదల కానుండటం తమిళనాడు అధికార పార్టీ డీఎంకే (DMK) శ్రేణుల్లో ఉత్సాహాన్ని నింపగా, అక్కడి రాజకీయాల్లో ఇది ఒక కీలక పరిణామంగా మారింది.

హిందూస్తాన్ సమచార్ / Santhosha Laxmi