న్యూఢిల్లీ:, 19 ఆగస్టు (హి.స.)

వరుస పేపర్ లీకేజీలు, పరీక్షల నిర్వహణ లోపాల నేపథ్యంలో జాతీయ పరీక్షల నిర్వహణ సంస్థ (NTA) లో కేంద్ర విద్యాశాఖ మునుపెన్నడూ లేని విధంగా అత్యంత ప్రతిష్టాత్మకమైన సంస్కరణలను చేపట్టింది. ఈరోజు ఉదయం విద్యాశాఖ జారీ చేసిన తాజా ఆదేశాల ప్రకారం, పరీక్షల ప్రశ్నాపత్రాల రూపకల్పన, పర్యవేక్షణ విభాగాల్లో ఉన్న 600 మంది సబ్జెక్ట్ నిపుణులను (Subject Experts) తక్షణమే విధుల్లోంచి తొలగించారు. వారి స్థానంలో అత్యంత పారదర్శకత కలిగిన నూతన విద్యావేత్తలను నియమించనున్నారు. భవిష్యత్తులో ఎలాంటి లీకేజీలకు తావులేకుండా ఉండేందుకు ఈ నిర్ణయం తీసుకున్నారు.

ఈ కొత్త సంస్కరణల్లో భాగంగా ప్రశ్నాపత్రాల నాణ్యత మరియు భద్రతను తనిఖీ చేయడానికి నాలుగు అంచెల (Four-tier) లీకేజీ రహిత తనిఖీ విధానాన్ని ప్రవేశపెట్టారు. అంతేకాకుండా, దేశవ్యాప్తంగా ఉన్న అన్ని ప్రధాన ఎన్‌టీఏ అధికారిక కార్యాలయాలు, స్ట్రాంగ్ రూమ్‌లు మరియు కంట్రోల్ రూమ్‌లకు కేంద్ర పారిశ్రామిక భద్రతా దళం (CISF) ద్వారా పటిష్టమైన సాయుధ రక్షణను కల్పించారు. అక్రమాలకు పాల్పడే ఏజెన్సీలపై క్రిమినల్ కేసులు నమోదు చేయాలని కేంద్రం స్పష్టం చేసింది. విద్యార్థుల్లో పరీక్షల వ్యవస్థపై తిరిగి నమ్మకాన్ని పెంచేందుకే ఈ వ్యూహాత్మక మార్పులు చేసినట్లు ప్రభుత్వం ప్రకటించింది.

---------------

హిందూస్తాన్ సమచార్ / Santhosha Laxmi