న్యూఢిల్లీ, 06 ఆగస్టు (హి.స.)

దేశవ్యాప్తంగా కలకలం రేపిన 'నీట్ యుజి' (NEET UG) పేపర్ లీక్ వ్యవహారంలో కీలక పరిణామం చోటు చేసుకుంది. ఈ కేసు విచారణలో భాగంగా ఢిల్లీలోని రౌస్ అవెన్యూ కోర్టు గురువారం కీలక ఆదేశాలు జారీ చేసింది. ఈ కేసులోని నిందితుల తరఫు న్యాయవాదులకు సీబీఐ దాఖలు చేసిన సమగ్ర ఛార్జ్ షీట్ యొక్క సాఫ్ట్ కాపీని (డిజిటల్ ప్రతి) న్యాయస్థానం అందజేసింది. కేసు విచారణలో ప్రతి నిమిషం ఎంతో విలువైనది అని వ్యాఖ్యానించిన సీబీఐ ప్రత్యేక కోర్టు, ఈ ఛార్జ్ షీటు శుక్రవారమే (రేపు) పరిగణనలోకి తీసుకోనున్నట్లు (Take Cognizance) వెల్లడించింది.

మరోవైపు కేసులోని కీలక నిందితులు దినేష్ బివాల్, వికాస్ బివాల్ దాఖలు చేసిన బెయిల్ పిటిషన్పై విచారణను కోర్టు ఆగస్టు 18కి వాయిదా వేసింది. సీబీఐ అందజేసిన సుదీర్ఘమైన ఛార్జ్ షీట్లోని అంశాలను, ఆధారాలను అధ్యయనం చేసేందుకు సమయం కావాలని నిందితుల తరఫు లాయర్ కోరడంతో న్యాయస్థానం ఈ విచారణను వాయిదా వేసింది. ఈ కేసులో త్వరితగతిన విచారణ ముగించేందుకు వీలుగా కోర్టు చర్యలను వేగవంతం చేస్తుంది.

---------------

హిందూస్తాన్ సమచార్ / సంపత్ రావు, జర్నలిస్ట్..