ఆంధ్రప్రదేశ్ , 18 సెప్టెంబర్ (హి.స.)రోగుల భద్రతా ప్రమాణాల్లో ఆంధ్రప్రదేశ్ రాష్ట్రం 86/100 స్కోర్ నమోదయింది. తాజా సమాచారం ప్రకారం, ఏపీ రాష్ట్రం 86 పాయింట్లతో నమోదైందని, మధ్యప్రదేశ్ 84.5, గుజరాత్ 83.5, దాద్రా-నగర్ హవేలీ, దమన్-దియూ 83, తమిళనాడు 82 పాయింట్లతో నమోదైనట్లు నివేదిక పేర్కొంది.

రోగుల భద్రత అనేది ఆసుపత్రుల్లో చికిత్స అందించడం మాత్రమే కాకుండా, చికిత్స సమయంలో పొరపాట్లను తగ్గించడం, వైద్య ప్రక్రియలను ప్రమాణీకరించడం, ఇన్ఫెక్షన్ నియంత్రణ, మందుల వినియోగంలో జాగ్రత్తలు, అత్యవసర పరిస్థితుల్లో స్పందన, రోగుల హక్కుల పరిరక్షణ వంటి అనేక అంశాలను కలిగి ఉంటుంది. ఈ నేపథ్యంలో రాష్ట్రానికి వచ్చిన స్కోర్ ఆరోగ్య సేవల నాణ్యతపై చర్చకు దారితీసే అంశంగా మారింది. మరియు, ఏపీ ప్రభుత్వం నిర్వహిస్తున్న ఆరోగ్య శిబిరాలకు సంబంధించిన తాజా గణాంకాలు కూడా వెలువడ్డాయి. ‘సేవా సంకల్ప్ అభియాన్’లో భాగంగా రాష్ట్రవ్యాప్తంగా నిర్వహించిన 2,600 ఆరోగ్య శిబిరాల్లో తొలి రోజే 2,41,258 మంది వైద్య సేవలు, పరీక్షలు పొందినట్లు ఆరోగ్య మంత్రి వై. సత్యకుమార్ యాదవ్ తెలిపారు. ఇందులో 40,737 మందికి రక్తపోటు, మధుమేహ పరీక్షలు నిర్వహించగా, 17,845 మందికి ఊబకాయం పరీక్షలు, దాదాపు 29 వేల మందికి రక్తహీనత పరీక్షలు నిర్వహించినట్లు వెల్లడించారు.

గర్భిణుల ఆరోగ్య పర్యవేక్షణకు కూడా శిబిరాల్లో ప్రాధాన్యం ఇచ్చారు. 2,229 మంది గర్భిణులకు మొదటి త్రైమాసిక పరీక్షలు నిర్వహించగా, 4 వేల మందికి పైగా క్షయవ్యాధి పరీక్షలు చేసినట్లు మంత్రి వెల్లడించారు. అదేవిధంగా 23 ప్రధాన శస్త్రచికిత్సలు నిర్వహించడంతో పాటు 955 మంది చిన్నారులకు అవసరమైన టీకాలు అందించినట్లు తెలిపారు.

---------------

హిందూస్తాన్ సమచార్ / పుట్టా సుమన్