న్యూఢిల్లీ, 02 సెప్టెంబర్ (హి.స.)

కేంద్ర రోడ్డు రవాణా, రహదారుల శాఖ మంత్రి నితిన్ గడ్కరీ సెప్టెంబర్ 2, 2026న న్యూఢిల్లీలోని కాన్స్టిట్యూషన్ క్లబ్ ఆఫ్ ఇండియాలో జరగనున్న SURAKSHA™ హెల్తీ హైవేస్ కాన్క్లేవ్ 2026కు ముఖ్య అతిథిగా హాజరుకానున్నారు.

ఈ సదస్సు ద్వారా సురక్షా మిషన్ 1 మిలియన్ నినాదంతో దాదాపు పది లక్షల మంది వాణిజ్య డ్రైవర్లు, రహదారి నిర్మాణ కార్మికులు, హైవే పరిసర ప్రాంతాల ప్రజల ఆరోగ్యం, భద్రత కోసం ప్రత్యేక చర్యలు చేపడతారు. అందులో భాగంగా జాతీయ రహదారి-44 వెంట ఆర్టిఫిషియల్ ఇంటెలిజెన్స్ ఆధారిత ఆరోగ్య పరీక్షలు, మొబైల్ క్లినిక్‌లు, టెలి-కన్సల్టేషన్లు, అత్యవసర SOS సేవలను ప్రవేశపెడతారు.

అలాగే వివిధ ప్రభుత్వ మంత్రిత్వ శాఖలు, కార్పొరేట్ భాగస్వాములు, ఆరోగ్య ಸಂಸ್ಥలను కలుపుతూ నేషనల్ హెల్తీ హైవేస్ కన్సార్టియం ఏర్పాటు చేస్తారు. డ్రైవర్ల అలసటను గుర్తించడంతో పాటు కంటి పరీక్షలు, బీపీ, షుగర్ వంటి వ్యాధుల ముందస్తు తనిఖీల ద్వారా రోడ్డు ప్రమాదాలను అరికట్టడం ఈ ప్రాజెక్ట్ ప్రధాన ఉద్దేశం.

---------------

హిందూస్తాన్ సమచార్ / Santhosha Laxmi