న్యూఢిల్లీ, 21 సెప్టెంబర్ (హి.స.)

దేశంలో మాదకద్రవ్యాల ముప్పును అరికట్టే దిశగా కేంద్ర ప్రభుత్వం కీలక అడుగులు వేస్తోంది. ఇందులో భాగంగా అన్ని రాష్ట్రాలు మరియు కేంద్రపాలిత ప్రాంతాల యాంటీ నార్కోటిక్స్ టాస్క్ ఫోర్స్ (ANTF) అధిపతుల మూడో జాతీయ సదస్సును కేంద్ర హోం మంత్రి అమిత్ షా మంగళవారం న్యూఢిల్లీలో ప్రారంభించనున్నారు. రెండు రోజుల పాటు జరిగే ఈ సదస్సు ఐక్య సంకల్పం, ఉమ్మడి బాధ్యత అనే ఇతివృత్తంతో సాగనుంది. దేశవ్యాప్తంగా డ్రగ్స్ రవాణా, వినియోగాన్ని అడ్డుకోవడానికి మరియు నార్కోటిక్స్ కంట్రోల్ విజన్ డాక్యుమెంట్ (2026-29) లక్ష్యాల పురోగతిని సమీక్షించడానికి ఈ సమావేశం ప్రధాన వేదికగా నిలవనుంది.

ఈ కార్యక్రమంలో భాగంగా డ్రగ్స్ దుర్వినియోగానికి వ్యతిరేకంగా ప్రజల్లో అవగాహన పెంచేందుకు రూపొందించిన ప్రకటనలను అమిత్ షా విడుదల చేయడంతో పాటు, లక్నో మరియు డెహ్రాడూన్‌లలో నార్కోటిక్స్ కంట్రోల్ బ్యూరో (NCB) కొత్త జోనల్ కార్యాలయాల భవన నిర్మాణాలకు శంకుస్థాపన చేయనున్నారు. వీటితో పాటు అత్యుత్తమ ప్రతిభ కనబరిచిన ANTF విభాగానికి పురస్కారం అందజేయడం, నవీకరించిన NCB అధికారిక వెబ్‌సైట్‌ను ప్రారంభించడం వంటి కార్యక్రమాలు కూడా జరగనున్నాయి. డ్రగ్స్ రహిత భారత్‌ను నిర్మించాలనే లక్ష్యంతో కేంద్ర, రాష్ట్ర దర్యాప్తు సంస్థల మధ్య మెరుగైన సమన్వయాన్ని పెంచడమే ఈ సదస్సు యొక్క ముఖ్య ఉద్దేశం.

---------------

హిందూస్తాన్ సమచార్ / Santhosha Laxmi