కుప్పం , 23 సెప్టెంబర్ (హి.స.)చిత్తూరు జిల్లాలోని కుప్పం ప్రాంతానికి కృష్ణా జలాలు చేరిన నేపథ్యంలో ముఖ్యమంత్రి చంద్రబాబు నాయుడు కీలక వ్యాఖ్యలు చేశారు. హంద్రీ–నీవా సుజల స్రవంతి ప్రాజెక్టులో భాగమైన కుప్పం బ్రాంచ్ కెనాల్ ద్వారా నీరు చేరడం ప్రాంత అభివృద్ధికి ఉపయోగపడుతుందని ఆయన పేర్కొన్నారు. ఈ సందర్భంగా కృష్ణా జలాలకు జలహారతి నిర్వహించి, నీటిని ప్రాంతానికి అంకితం చేశారు.

ఈ సందర్బంగా అయన మాట్లాడుతూ..... కుప్పం బ్రాంచ్ కెనాల్ పుంగనూరు బ్రాంచ్ కెనాల్ నుంచి ప్రారంభమై సుమారు 131 కిలోమీటర్ల మేర సాగి కుప్పం సమీపంలోని పరమేశ్వరం చెరువు వరకు చేరుతుంది. ఈ కాలువ ద్వారా కృష్ణా జలాలను కుప్పం ప్రాంతానికి తీసుకురావడం స్థానిక ప్రజల దీర్ఘకాలిక ఆకాంక్షగా ప్రభుత్వం పేర్కొంది.

నీరు అందుబాటులోకి రావడం వల్ల వ్యవసాయానికి నీటి వనరు పెరగడంతో పాటు తాగునీటి అవసరాలను తీర్చేందుకు కూడా ఉపయోగపడే అవకాశం ఉంది. ముఖ్యంగా వర్షాధార ప్రాంతాల్లో సాగునీటి లభ్యత పెరగడం రైతులకు ప్రణాళికాబద్ధమైన సాగు చేసుకునే అవకాశాలను పెంచుతుంది. కుప్పం ప్రాంతంలో భూగర్భ జలాల పరిస్థితి, చెరువుల నిల్వలు, కాలువల ద్వారా వచ్చే నీటి వినియోగం వంటి అంశాలను సమన్వయంగా నిర్వహించడం భవిష్యత్తులో కీలకం కానుంది. నీటి లభ్యత పెరిగితే పంటల వైవిధ్యానికి కూడా అవకాశం ఉంటుంది, అని అయన పేర్కొన్నారు.

---------------

హిందూస్తాన్ సమచార్ / పుట్టా సుమన్