హైదరాబాద్ , 27 సెప్టెంబర్ (హి.స.)

తెలంగాణలో ఓటర్ల జాబితా ప్రత్యేక సమగ్ర సవరణ ప్రక్రియలో భాగంగా కొత్త ఓటరు నమోదుకు గణనీయమైన స్పందన లభించింది. రాష్ట్రవ్యాప్తంగా 4.40 లక్షల కొత్త ఓటరు దరఖాస్తులు అందినట్లు తాజా సమాచారం వెల్లడించింది. కొత్తగా 18 సంవత్సరాలు పూర్తి చేసుకున్న యువత ఓటరు జాబితాలో చేరేందుకు దరఖాస్తు చేస్తున్నారు. అదే సమయంలో విదేశాల్లో నివసిస్తున్న భారతీయుల నుంచి కూడా ఓటరు నమోదుకు దరఖాస్తులు వచ్చాయని అధికారులు తెలిపారు. ఓటరు జాబితా సవరణ ప్రక్రియలో కొత్తగా నమోదైన దరఖాస్తులను పరిశీలించడంతో పాటు అభ్యంతరాలు, సవరణలు, తొలగింపులకు సంబంధించిన ప్రక్రియ కొనసాగుతోంది.

తుది ఓటరు జాబితా నవంబర్ 9న ప్రచురించాల్సి ఉండటంతో రాబోయే వారాల్లో ఈ ప్రక్రియ మరింత కీలకంగా మారనుంది.

ప్రతి నియోజకవర్గంలో అర్హత కలిగిన ఓటర్లు జాబితాలో ఉన్నారా లేదా అనే అంశాన్ని పరిశీలించేందుకు ఎన్నికల అధికారులు చర్యలు చేపడుతున్నారు. ఓటరు జాబితా సవరణలో కొత్తగా నమోదు కావడం మాత్రమే కాకుండా చిరునామా మార్పు, పేర్లలో తప్పులు, మరణించిన వ్యక్తుల పేర్ల తొలగింపు, ఒకటి కంటే ఎక్కువ ప్రాంతాల్లో ఉన్న నమోదుల పరిశీలన వంటి అంశాలు కూడా ఉంటాయి.

యువ ఓటర్ల సంఖ్య పెరగడం ఎన్నికల వ్యవస్థలో ఒక ముఖ్యమైన సామాజిక మార్పుగా కనిపిస్తోంది. డిజిటల్ మార్గాల్లో సమాచారం సులభంగా అందుబాటులో ఉండటం, ఆన్లైన్ దరఖాస్తు సౌకర్యాలు పెరగడం వంటి కారణాలు కూడా కొత్త ఓటరు నమోదుకు సహకరించేల అధికారులు ప్రయత్నిస్తున్నారు.

---------------

హిందూస్తాన్ సమచార్ / పుట్టా సుమన్