హైదరాబాద్, 26 డిసెంబర్ (హి.స.)

సిద్ధిపేట జిల్లా కేంద్రంలో విషాదం నెలకొంది. గాలిపటం ఓ బాలుడి ప్రాణం తీసింది. గాలిపటం ఎగరవేస్తూ చెరువులో పడి చనిపోయాడు. లెక్చరర్స్ కాలనీలో ఉండే తేజ (11) గాలిపటం ఎగరవేస్తుండగా ప్రమాదవశాత్తు గాలిపటం దారం తెగిపోయి.. సమీపంలో ఉన్న చెరువులో పడింది. దీంతో.. గాలిపటం కోసం వెళ్లిన ఆ బాలుడు మృత్యుఒడిలోకి వెళ్లిపోయాడు. గాలిపటం తెచ్చుకుందామని చెరువు దగ్గరికి వెళ్లిన బాలుడు.. గాలిపటం కోసం చెరువులోకి దిగాడు. దీంతో.. బాలుడికి ఈత రాకపోవడంతో తేజ గల్లంతయ్యాడు. అనంతరం.. విషయం తెలుసుకున్న తల్లిదండ్రులు.. చెరువు దగ్గరికి వెళ్లి పరిశీలించారు. ఈ ప్రమాదంపై పోలీసులకు సమాచారం అందించారు. దీంతో.. ఘటనా స్థలానికి చేరుకున్న పోలీసులు.. స్థానికుల సహాయంతో బాలుడి మృతదేహాన్ని బయటకు తీశారు.

---------------

హిందూస్తాన్ సమచార్ / బచ్చు రంజిత్ కుమార్, జర్నలిస్ట్