హైదరాబాద్, వినోదం, 26 ఆగస్టు (హి.స.)

గ్లోబల్ స్టార్ రామ్ చరణ్ ప్రస్తుతం 'గేమ్ ఛేంజర్' సినిమాతో బిజీగా ఉన్నాడు. స్టార్ డైరెక్టర్ శంకర్ దర్శకత్వం వహిస్తున్న ఈ మూవీలో బాలీవుడ్ బ్యూటీ కియారా అద్వానీ హీరోయిన్గా నటిస్తుండగా.. అంజలి కీలక పాత్రలో కనిపించనుంది. అయితే.. ఈ సినిమాలో చర్రీకి సంబంధించిన షూటింగ్ ఆల్ మోస్ట్ కంప్లీట్ అయినట్లు ఇటీవల మూవీ టీమ్ ప్రకటించిన విషయం తెలిసిందే. ఈ క్రమంలోనే 'గేమ్ ఛేంజర్' రిలీజ్కు సంబంధించి ఏదో ఒక న్యూస్ నెట్టింట వైరల్ అవుతూనే ఉంది. దీంతో అసలు సినిమా ఎప్పుడు వస్తుందో అనే డైలామాలో ఉండిపోయారు ఫ్యాన్స్. ఈ మేరకు అభిమానులకు గుడ్ న్యూస్ అందిందనే చెప్పొకోవచ్చు.

రాంచరణ్ పీఆర్ టీం ప్రకారం 'గేమ్ ఛేంజర్' మూవీ రిలీజ్ డేట్పై క్లారిటీ వచ్చినట్లు తెలుస్తుంది. ఈ మేరకు పీఆర్ టీం నుంచి అందిన సమాచారం మేరకు రామ్ చరణ్ గేమ్ ఛేంజర్ ఈ ఏడాది క్రిస్మస్ కానుకగా డిసెంబర్లో గ్రాండ్గా విడుదల కానుందని టాక్. ప్రజెంట్ ఈ న్యూస్ నెట్టింట వైరల్ కావడంతో.. అభిమానులు ఫుల్ ఖుషీ అవుతున్నారు. రిలీజ్ డేట్పై ఇక అఫీషియల్ అనౌన్స్మెంట్ రావడమే ఆలస్యమని తెలియడంతో ఆనందంలో ఎగిరిగంతేస్తున్నారు ఫ్యాన్స్. కాగా.. శ్రీ వెంకటేశ్వర క్రియేషన్స్ బ్యానర్పై దిల్ రాజు ఈ మూవీని తెరకెక్కిస్తుండగా.. పాపులర్ డైరెక్టర్ కార్తీక్ సుబ్బరాజు కథ నందిస్తున్నాడు.

---------------

హిందూస్తాన్ సమచార్ / బచ్చు రంజిత్ కుమార్, జర్నలిస్ట్ / నాగరాజ్ రావు