తెలంగాణ, వరంగల్. 26 ఏప్రిల్ (హి.స.)

తెలంగాణ ఆత్మగౌరవ బావుటా ఎగరేసిన ఘనత బీఆర్ఎస్ పార్టీదేనని, అధికారంలో ఉన్న ప్రతిపక్షంలో ఉన్న ప్రజల కోసం కష్టపడి పని చేశామని మాజీ మంత్రి, సిద్దిపేట ఎమ్మెల్యే హరీశ్ రావు అన్నారు. ప్రజలకు ఏ కష్టం వచ్చినా బీఆర్ఎస్, కేసీఆర్ వైపే చూస్తున్నారని చెప్పారు. ఇవాళ వరంగల్ జిల్లా ఎల్కతుర్తిలో రేపటి బీఆర్ఎస్ రజితోత్సవ సభాస్థలి వద్ద మీడియాతో మాట్లాడారు. రేపటి సభకు రాష్ట్రవ్యాప్తంగా అంచనాలకు మించిన జనం స్వచ్ఛందంగా తరలిరాబోతున్నారన్నారు. ఈ సభలో కేసీఆర్ ఏం మాట్లాడుతారో వినాలనే ఉత్సాహం, ఆతృత కాంగ్రెస్ నాయకులకే ఎక్కువగా ఉందన్నారు. రాష్ట్రంలో తిరిగి అధికారంలోకి వచ్చేది ముమ్మాటికి బీఆర్ఎస్ ప్రభుత్వమేనని ధీమా వ్యక్తం చేశారు.

హిందూస్తాన్ సమచార్ / విడియాల వెంకటేశ్వర్ రావు