హైదరాబాద్, 20 జనవరి (హి.స.)

అమెరికాలో తీవ్ర మంచు తుఫాన్ బీభత్సం సృష్టించింది. మిచిగాన్ రాష్ట్రంలో కురిసిన భారీ మంచు కారణంగా రహదారులు జారిపోవడంతో ఘోర ప్రమాదాలు చోటుచేసుకున్నాయి. ముఖ్యంగా ఇంటర్‌స్టేట్–196 (I-196)పై 100కు పైగా వాహనాలు ఒకదానికొకటి ఢీకొన్నాయి. కొన్ని వాహనాలు నియంత్రణ తప్పి రహదారి నుంచి బయటకు జారిపోయాయి. ప్రమాదాల నేపథ్యంలో మిచిగాన్ స్టేట్ పోలీసులు I-196ను రెండు దిశల్లో పూర్తిగా మూసివేశారు. రహదారిపై చిక్కుకుపోయిన వాహనాలను తొలగించేందుకు భారీ స్థాయిలో సహాయక చర్యలు చేపట్టారు. 30కి పైగా సెమిట్రైలర్ ట్రక్కులతో సహా అన్ని వాహనాలను క్రమంగా తొలగిస్తున్నారు.

---------------

హిందూస్తాన్ సమచార్ / బచ్చు రంజిత్ రావు