హైదరాబాద్, 19 అక్టోబర్ (హి.స.)

హైదరాబాద్ శంషాబాద్‌లోని రాజీవ్ గాంధీ అంతర్జాతీయ విమానాశ్రయం (RGIA) అధికారిక ‘ఎక్స్’ (ట్విట్టర్) ఖాతా అక్టోబర్ 19, 2026 ఉదయం సైబర్ దాడికి గురైంది. సుమారు 11 గంటల ప్రాంతంలో గుర్తుతెలియని అంతర్జాతీయ హ్యాకర్లు ఈ అధికారిక ఖాతాను హ్యాక్ చేశారు.

ఖాతాను తమ ఆధీనంలోకి తీసుకున్న హ్యాకర్లు, దాని ద్వారా క్రిప్టోకరెన్సీకి సంబంధించిన ప్రకటనలను పోస్ట్ చేశారు. ముఖ్యంగా సోలానా క్రిప్టో ఇకోసిస్టమ్, 'స్టోంక్ యాప్' (Stonk App) కు చెందిన 'స్టోంక్ ఫన్ సీజన్ 1' (StonkFun Season 1) రివార్డ్స్ ప్రోగ్రామ్ లింకులను ప్రమోట్ చేస్తూ పలు అవాంఛనీయ ట్వీట్లు పెట్టారు. ఈ రక్షణ ఉల్లంఘనను విమానాశ్రయ ఐటీ సాంకేతిక బృందం (IT Technical Team) వెంటనే గుర్తించి అప్రమత్తమైంది.

ఎలాంటి తప్పుడు సమాచారం లేదా నష్టం జరగకుండా అధికారులు తక్షణమే రక్షణ చర్యలు చేపట్టారు. ఎయిర్‌పోర్ట్ ఐటీ నిపుణులు తీవ్రంగా శ్రమించి, కొద్దిసేపట్లోనే ఖాతాను తిరిగి తమ ఆధీనంలోకి తెచ్చుకోగలిగారు. ప్రస్తుతం ఈ సోషల్ మీడియా ఖాతా పూర్తిగా సురక్షితంగా మారిందని, పాత అవాంఛనీయ పోస్టులన్నింటినీ తొలగించామని జీఎంఆర్ (GMR) ఎయిర్‌పోర్ట్ యాజమాన్యం స్పష్టం చేసింది.

---------------

హిందూస్తాన్ సమచార్ / Santhosha Laxmi