హైదరాబాద్ , 29 సెప్టెంబర్ (హి.స.)హైదరాబాద్ రాజీవ్ గాంధీ అంతర్జాతీయ విమానాశ్రయం నుంచి ఉజ్బెకిస్థాన్ రాజధాని తాష్కెంట్కు నేరుగా విమాన సర్వీసు ప్రారంభమైంది. మంగళవారం సాయంత్రం వెలువడిన సమాచారం ప్రకారం, Centrum Air సంస్థ హైదరాబాద్–తాష్కెంట్ మధ్య ఈ కొత్త అంతర్జాతీయ మార్గాన్ని ప్రారంభించింది.

దక్షిణ భారతదేశం నుంచి మధ్య ఆసియాకు నేరుగా ఏర్పడిన తొలి విమాన కనెక్టివిటీగా ఈ మార్గాన్ని పేర్కొంటున్నారు. ఈ కొత్త సర్వీసుతో హైదరాబాద్ అంతర్జాతీయ విమానాశ్రయం నుంచి అందుబాటులో ఉన్న విదేశీ గమ్యస్థానాల పరిధి మరింత విస్తరించనుంది.

హైదరాబాద్ ఇప్పటికే ఐటీ, ఫార్మా, బయోటెక్నాలజీ, రక్షణ, స్టార్టప్, పరిశోధన రంగాలకు ముఖ్యమైన కేంద్రంగా ఉంది. ఈ నేపథ్యంలో మధ్య ఆసియా దేశాలతో నేరుగా విమాన అనుసంధానం ఏర్పడటం వ్యాపార పరంగా కూడా ప్రాధాన్యం సంతరించుకుంది. తాష్కెంట్ మధ్య ఆసియా ప్రాంతంలో కీలకమైన నగరం కావడంతో అక్కడి నుంచి ఉజ్బెకిస్థాన్తో పాటు ఇతర మధ్య ఆసియా మార్కెట్లకు ప్రయాణించే వారికి కూడా ఈ మార్గం ఉపయోగపడే అవకాశం ఉంది.

---------------

హిందూస్తాన్ సమచార్ / పుట్టా సుమన్