హైదరాబాద్ , 23 అక్టోబర్ (హి.స.)మెదక్ జిల్లా పరిధిలో గతంలో జరిగిన ఒక సంచలనాత్మక యువకుని హత్య కేసుకు సంబంధించి సుదీర్ఘ విచారణ ముగిసింది. పాత కక్షలు మరియు వర్గ పోరాటాల నేపథ్యంలో ఒక యువకుడిని దారుణంగా హతమార్చిన ఘటనపై విచారణ జరిపిన స్థానిక జిల్లా కోర్టు ఇవాళ తుది తీర్పు వెలువరించింది. ఈ కేసులో నేరం రుజువు కావడంతో ఏడుగురు నిందితులకు జీవిత ఖైదు (Life Imprisonment) తో పాటు జైలు జరిమానా విధిస్తూ న్యాయమూర్తి సంచలన తీర్పునిచ్చారు. సాక్ష్యాధారాలు, ప్రాసిక్యూషన్ వాదనలను పరిశీలించిన న్యాయస్థానం ఈ మేరకు శిక్షను ఖరారు చేసింది. ఈ తీర్పుతో సమాజంలో నేరస్థులకు కఠిన శిక్షలు తప్పవనే నమ్మకం కలుగుతుందని, శాంతిభద్రతల పరిరక్షణకు పోలీసులు మరింత కఠినంగా వ్యవహరిస్తారని అధికారులు తెలిపారు. నిందితులను వెంటనే పోలీసుల భద్రత మధ్య జైలుకు తరలించారు.

---------------

హిందూస్తాన్ సమచార్ / పుట్టా సుమన్