ఆగ్రా:, 25 అక్టోబర్ (హి.స.)

నేషనల్ కౌన్సిల్ ఫర్ టీచర్ ఎడ్యుకేషన్ (ఎన్‌సీటీఈ) ఆధ్వర్యంలో రెండు రోజుల జాతీయ సదస్సు ఉత్తరప్రదేశ్‌లోని చారిత్రాత్మక నగరం ఆగ్రాలో ఘనంగా ప్రారంభమైంది. దేశంలో ఉపాధ్యాయ విద్యారంగంలో విప్లవాత్మక మార్పులు, నాణ్యతా ప్రమాణాల పెంపుదల, నూతన విద్యా విధానం (ఎన్‌ఈపీ) ఆశయాలకు అనుగుణంగా బోధనా పద్ధతులను ఆధునీకరించడం వంటి ప్రధాన అంశాలపై ఈ సదస్సులో లోతుగా చర్చిస్తున్నారు.

ఈ జాతీయ సదస్సులో దేశవ్యాప్తంగా ఉన్న వివిధ విశ్వవిద్యాలయాల ఉపకులపతులు (విసీలు), విద్యావేత్తలు, ఉపాధ్యాయ విద్యా సంస్థల ప్రతినిధులు, ఉన్నతాధికారులు పాల్గొన్నారు. సదస్సు ప్రారంభోత్సవంలో పాల్గొన్న ఎన్‌సీటీఈ ఉన్నతాధికారులు మాట్లాడుతూ.. మారుతున్న ఆధునిక కాలంలో రేపటి తరం పౌరులను తీర్చిదిద్దే బాధ్యత ఉపాధ్యాయులపైనే ఉందని పేర్కొన్నారు. అందుకే వారికి అందించే శిక్షణలో సమూల మార్పులు తీసుకురావాల్సిన అవసరం ఎంతైనా ఉందని ఉద్బోధించారు.

ఈ రెండు రోజుల సమావేశాలలో డిజిటల్ బోధనా పద్ధతులు, కృత్రిమ మేధస్సు (AI) వినియోగం, ఉపాధ్యాయుల వృత్తిపరమైన నైపుణ్యాల పెంపు, పాఠశాల స్థాయిలోనే నైతిక విలువలను పెంపొందించడంపై విసృతమైన చర్చలు జరపనున్నారు. విద్యా వ్యవస్థలో అత్యుత్తమ ప్రమాణాలు సాధించేందుకు కేంద్ర, రాష్ట్ర ప్రభుత్వాల భాగస్వామ్యంతో ప్రతిపాదిత ప్రణాళికలను అమలు చేయనున్నట్లు ప్రతినిధులు తెలిపారు.

ఈ సదస్సు ముగింపులో ఉపాధ్యాయ విద్యను మరింత బలోపేతం చేసేందుకు పలు ముఖ్యమైన తీర్మానాలు చేసే అవకాశం ఉందని నిర్వాహకులు వెల్లడించారు.

---------------

హిందూస్తాన్ సమచార్ / Santhosha Laxmi