మలప్పురం జిల్లా, 01 నవంబర్ (హి.స.)

కేరళలోని

మలప్పురం జిల్లాలో స్వాధీనం చేసుకున్న భారీ ఎత్తున చట్టవిరుద్ధ స్ఫోటక పదార్థాలను

నిష్క్రియం చేసి ధ్వంసం చేసేందుకు జాతీయ దర్యాప్తు సంస్థ (NIA)కి ప్రత్యేక కోర్టు అనుమతి మంజూరు

చేసింది.మలప్పురం పరిధిలోని

చెమ్మడ్ వద్ద పార్క్ చేసి ఉన్న లారీ నుంచి పోలీసులు 89,600 జిలాటిన్ స్టిక్స్, 10,500కి పైగా నాన్-ఎలక్ట్రిక్ డిటోనేటర్లను

స్వాధీనం చేసుకున్న సంగతి తెలిసిందే.

ఈ

భారీ స్ఫోటక పదార్థాల నిల్వలను సుదీర్ఘకాలం భద్రపరచడం ప్రజా భద్రతకు మరియు

పర్యావరణానికి ప్రమాదకరమని ఎన్ఐఏ కోర్టుకు తెలిపింది.శాంపిళ్లను సేకరించి భద్రపరిచిన అనంతరం, మిగిలిన నిల్వలను బాంబ్ డిస్పోజల్

స్క్వాడ్ మరియు నిపుణుల సమక్షంలో నిర్దేశిత భద్రతా నిబంధనల ప్రకారం ధ్వంసం

చేయడానికి న్యాయస్థానం పచ్చజెండా ఊపింది.

ఈ

కేసులో ఇప్పటివరకు ప్రధాన సూత్రధారులతో సహా 11

మందికి

పైగా నిందితులను ఎన్ఐఏ అరెస్ట్ చేసింది.అక్రమంగా

స్ఫోటక పదార్థాలను సేకరించడం, బార్‌కోడ్ లేబుళ్లను

మార్చి మూలాలను దాచేందుకు కుట్ర పన్నడంపై ఎన్ఐఏ సమగ్ర దర్యాప్తు కొనసాగిస్తోంది.

---------------

హిందూస్తాన్ సమచార్ / Santhosha Laxmi