తిరుమల, 05 మార్చి (హి.స.)

ప్రముఖ ఆధ్యాత్మిక పుణ్యక్షేత్రం తిరుమలలో భక్తుల రద్దీ ప్రస్తుతం సాధారణంగా కొనసాగుతోంది. వైకుంఠం క్యూ కాంప్లెక్స్లో టోకెన్లు లేని భక్తులు 10 కంపార్ట్మెంట్లలో వేచి ఉన్నారు. టోకెన్లు లేని భక్తులకు స్వామివారి దర్శనానికి సుమారు 6 గంటల సమయం పడుతోంది. సర్వదర్శనం టోకెన్లు ముందుగా పొందిన భక్తులకు 3 నుంచి 4 గంటల్లో దర్శనం లభిస్తోంది. ఇక ప్రత్యేక ప్రవేశ దర్శనం టిక్కెట్లు కలిగిన భక్తులకు శ్రీవారి దర్శనం 2 నుంచి 3 గంటల్లోపే అవుతోంది. బుధవారం స్వామివారిని 63,772 మంది భక్తులు దర్శించుకున్నారు. 24,013 మంది తలనీలాలు సమర్పించి మొక్కులు తీర్చుకున్నారు. భక్తులు సమర్పించిన కానుకల ద్వారా నిన్న స్వామివారి హుండీకి రూ.1.47 కోట్ల ఆదాయం వచ్చినట్లుగా టీటీడీ అధికారులు వెల్లడించారు.

---------------

హిందూస్తాన్ సమచార్ / SANDHYA PRASADA PV