ఢిల్లీ, , 26 జూన్ (హి.స.)కాంగ్రెస్ అధ్యక్షుడు మల్లికార్జున ఖర్గే దేశ ప్రజలకు మొహర్రం పండుగ శుభాకాంక్షలు తెలిపారు. ఈ సందర్భంగా ఆయన 'ఎక్స్' (ట్విట్టర్) వేదికగా స్పందిస్తూ, హజ్రత్ ఇమామ్ హుస్సేన్ చేసిన గొప్ప త్యాగాన్ని స్మరించుకుంటూ ప్రతి ఒక్కరూ ప్రేమ, సోదరభావం, న్యాయం మరియు పరస్పర సామరస్య మార్గంలో నడవాలని పిలుపునిచ్చారు. కరుణ, సామాజిక న్యాయం వంటి విలువలను పౌరులంతా అలవర్చుకోవాలని ఆయన కోరారు. మనం అణచివేతకు గురవుతున్నప్పుడు కూడా విజయం సాధించవచ్చని నేను ఇమామ్ హుస్సేన్ నుండి నేర్చుకున్నాను అనే మహాత్మా గాంధీ సూక్తిని ఖర్గే ఈ సందర్భంగా గుర్తుచేశారు. సత్యం, ధర్మం కోసం చారిత్రాత్మకంగా జరిగిన త్యాగాలను మననం చేసుకోవడానికి ఈ రోజు ఒక గొప్ప సందర్భమని ఆయన పేర్కొన్నారు

---------------

హిందూస్తాన్ సమచార్ / Santhosha Laxmi