అయోధ్య 27 జూన్ (హి.స.)

అయోధ్య రామాలయ విరాళాల దుర్వినియోగం వివాదంపై ఆమ్ ఆద్మీ పార్టీ (AAP) జాతీయ కన్వీనర్ అరవింద్ కేజ్రీవాల్, ఉత్తరప్రదేశ్ ముఖ్యమంత్రి యోగి ఆదిత్యనాథ్ల మధ్య తీవ్రమైన రాజకీయ వాగ్వాదం చోటుచేసుకుంది. ఢిల్లీలో ఆప్ ప్రభుత్వం అవినీతిమయంగా మారిందంటూ సీఎం యోగి చేసిన విమర్శలపై కేజ్రీవాల్ తీవ్రంగా స్పందించారు. మహారాజ్ జీ, మీరు ఆ చందా దొంగల (చందాచోర్) పక్షాన ఎందుకు నిలబడుతున్నారు? ఆ చందాచోరులు మిమ్మల్ని కూడా పదవి నుంచి తొలగించడానికి కుట్ర పన్నుతున్నారు, వారు మిమ్మల్ని మీ కుర్చీలో కూడా కూర్చోనివ్వరు అని కేజ్రీవాల్ హెచ్చరించారు. శ్రీరాముడి ఇంట్లోనే జరిగిన ఈ భారీ దోపిడీకి కారణమైన దెయ్యాలకు ఉరిశిక్ష పడేలా తాను చేసే పోరాటంలో తనకు మద్దతుగా నిలవాలని ఆయన యోగి ఆదిత్యనాథ్ను కోరారు. అయోధ్యలో విరాళాల కుంభకోణం బయటపడిన నేపథ్యంలో కేజ్రీవాల్ అక్కడ పర్యటించి, కేవలం చిన్న ఉద్యోగులపైనే కాకుండా ట్రస్ట్లోని పెద్ద తలకాయలపై కఠిన చర్యలు తీసుకోవాలని డిమాండ్ చేశారు.

---------------

హిందూస్తాన్ సమచార్ / Santhosha Laxmi