న్యూఢిల్లీ, 01 జూలై (హి.స.)

జనరల్ ధీరజ్ సేథ్ బుధవారం భారత దేశ 31వ ఆర్మీ చీఫ్గా అధికారికంగా బాధ్యతలు స్వీకరించారు. ఈ సందర్భంగా అమరవీరులకు నివాళులర్పించిన ఆయన, మారుతున్న రక్షణ వాతావరణానికి అనుగుణంగా భారత సైన్యాన్ని సాంకేతిక పరిజ్ఞానంతో కూడిన భవిష్యత్తు బలగంగా తీర్చిదిద్దుతామని ప్రతిజ్ఞ చేశారు. ప్రధానమంత్రి నరేంద్ర మోదీ సైనిక దళాల కోసం నిర్దేశించిన మార్గదర్శకాల ఆధారంగా, ఆర్మీ ఆధునికీకరణ కోసం ఆయన 'VIJAY' (విజయ్) అనే సరికొత్త వ్యూహాత్మక విధానాన్ని ప్రకటించారు. జనరల్ ఉపేంద్ర ద్వివేది స్థానంలో బాధ్యతలు చేపట్టిన సేథ్, 'విధి, గౌరవం, దేశం ప్రథమం' అనే ఆదర్శాలకు కట్టుబడి పనిచేస్తానని స్పష్టం చేశారు. జనరల్ ధీరజ్ సేథ్ వివరించిన 'VIJAY' మంత్రం లోని ముఖ్య సూత్రాలు ఇవే:

- 'V' - విజిలెన్స్ (Vigilance): సరిహద్దుల వద్ద నిరంతర నిఘా మరియు సన్నద్ధతను కొనసాగించడం.

- 'I' - ఇన్నోవేషన్ (Innovation): యుద్ధతంత్రంలో సరికొత్త సాంకేతిక ఆవిష్కరణలను భాగం చేయడం.

- 'J' - జాయింట్నెస్ (Jointness): ఎయిర్ ఫోర్స్, నేవీ దళాలతో పూర్తి సమన్వయంతో పనిచేయడం.

- 'A' - ఆత్మనిర్భరత (Aatmanirbharta): స్వదేశీ సాంకేతికతతో రక్షణ రంగంలో స్వయంసమృద్ధి సాధించడం.

- 'Y' - యోధ ఫస్ట్ (Yoddha First): సరికొత్త అగ్నివీర్ నుండి సీనియర్ వెటరన్ వరకు ప్రతి సైనికుడి సంక్షేమానికి ప్రాధాన్యత ఇవ్వడం

---------------

హిందూస్తాన్ సమచార్ / Santhosha Laxmi