అమరావతి, 21 ఆగస్టు (హి.స.)

ఆంధ్రప్రదేశ్ పాఠశాల విద్యాశాఖ రాష్ట్రవ్యాప్తంగా ఇటీవల నిర్వహించిన టీచర్ ఎలిజిబిలిటీ టెస్ట్ (TET) పరీక్షల ప్రాథమిక కీ (Initial Key) మరియు అభ్యర్థుల రెస్పాన్స్ షీట్లను అధికారిక వెబ్‌సైట్‌లో విడుదల చేసింది. అభ్యర్థులు తమ లాగిన్ వివరాల ద్వారా tet2dsc.apcfss.in వెబ్‌సైట్ నుండి వీటిని డౌన్‌లోడ్ చేసుకోవచ్చు. సమాధానాలపై ఏవైనా అభ్యంతరాలు ఉంటే ఆన్‌లైన్ ద్వారా నిర్ణీత గడువులోగా ఫిర్యాదు చేయవచ్చని విద్యాశాఖ తెలిపింది. [1]

ఈ అభ్యంతరాలను నిపుణుల కమిటీ పరిశీలించిన తర్వాత తుది కీ (Final Key) ని ప్రకటిస్తారు. అనంతరం సెప్టెంబర్ 15, 2026 న టెట్ ఫలితాలను అధికారికంగా విడుదల చేయనున్నట్లు ప్రభుత్వం ప్రకటించింది. ఈసారి రికార్డు స్థాయిలో అభ్యర్థులు పరీక్షకు హాజరయ్యారు. ఉపాధ్యాయ పోస్టుల భర్తీ (DSC) కి ఈ టెట్ స్కోర్ అత్యంత కీలకం కావడంతో అభ్యర్థులు ఫలితాల కోసం ఆత్రుతగా ఎదురుచూస్తున్నారు. టెట్ ప్రక్రియ ముగిసిన వెంటనే మెగా డీఎస్సీ నోటిఫికేషన్ ద్వారా ఖాళీలను భర్తీ చేయడానికి విద్యాశాఖ కసరత్తు ముమ్మరం చేసింది.

---------------

హిందూస్తాన్ సమచార్ / Santhosha Laxmi