మంగళగిరి, 21 ఆగస్టు (హి.స.)

అమరావతి ఇటీవల జరిగిన ఆంధ్రప్రదేశ్ క్యాబినెట్ సమావేశాలకు డిప్యూటీ సీఎం పవన్ కళ్యాణ్ హాజరుకాకపోవడంపై రాజకీయ వర్గాల్లో రకరకాల ఊహాగానాలు వ్యక్తమయిన నేపథ్యంలో జనసేన పార్టీ వర్గాలు స్పష్టత ఇచ్చాయి. పవన్ కళ్యాణ్ కేవలం అనారోగ్య కారణాల వల్లే ఆయా సమావేశాలకు హాజరుకాలేకపోయారని, కూటమిలో ఎలాంటి విభేదాలు లేవని పార్టీ నేతలు స్పష్టం చేశారు. అదే సమయంలో ఆయన తన శాఖల పరిధిలోని ప్రజా పనుల్లో చురుగ్గా పాల్గొంటున్నారు.

మంగళగిరిలో చేనేత మరియు అల్లికల (Crochet Lace) మహిళా కళాకారుల కోసం ఏర్పాటు చేసిన ప్రత్యేక వైద్య శిబిరంలో పవన్ కళ్యాణ్ పాల్గొని, వారికి ఉచితంగా కళ్లజోళ్లను అందజేశారు. కంటిచూపు సమస్యల వల్ల చేనేత కార్మికుల ఉపాధి దెబ్బతినకూడదనే ఉద్దేశంతో ఈ కార్యక్రమం చేపట్టారు. చేనేత రంగాన్ని ఆధునీకరించడంతో పాటు, కార్మికులకు పూర్తి స్థాయిలో ఆరోగ్య భద్రత కల్పిస్తామని ఈ సందర్భంగా డిప్యూటీ సీఎం హాజరైన వారికి భరోసా ఇచ్చారు.

---------------

హిందూస్తాన్ సమచార్ / Santhosha Laxmi