అనంతపురం 23 ఆగస్టు (హి.స.)

అనంతపురం జిల్లా పరిధిలోని జాతీయ రహదారిపై ఈరోజు మధ్యాహ్నం ఒక విషాదకర రోడ్డు ప్రమాదం చోటుచేసుకుంది. పొలం పనుల నిమిత్తం కూలీలతో వెళ్తున్న ఒక ఆటోను, ఎదురుగా అతివేగంగా వచ్చిన లారీ బలంగా ఢీకొట్టింది. ఈ ఘోర ప్రమాదంలో ఆటోలో ప్రయాణిస్తున్న నలుగురు వ్యవసాయ కూలీలు తీవ్ర గాయాలతో అక్కడికక్కడే ప్రాణాలు కోల్పోయారు. మరో ముగ్గురి పరిస్థితి అత్యంత విషమంగా ఉండటంతో స్థానికులు వారిని చికిత్స నిమిత్తం అనంతపురం ప్రభుత్వ ఆసుపత్రికి తరలించారు. సమాచారం అందుకున్న పోలీసులు సంఘటనా స్థలానికి చేరుకుని కేసు నమోదు చేసి దర్యాప్తు చేస్తున్నారు.

---------------

హిందూస్తాన్ సమచార్ / Santhosha Laxmi